Awwal Toh Yeh Samjha Jaye Ki Hukum E Shari’aa Kya Hai 1⃣

🏁🔴🏁🔴🏁🔴🏁🔴🏁🔴

*🥀Kya 11vi Shareef Biddat Ya Haram Hai🥀*

Post 1 

Awwal Toh Yeh Samjha Jaye Ki Hukum E Shari’aa Kya Hai

Do’s (Karna Hai)

1) Farz 

2) Wajib

3) Sunnat E Muakidah

4) Sunnat E Gair Muakidah

5) Mustahab 

Don’ts (Nahi Karna Hai)

6) Haram

7) Makruh E Tehrimi

8) Isaah

9) Makruh E Tanzih

10) Khilaf Aula

11) Mubaah

Farz Kya Hai?

Farz Maane Obligatory, Zaruri Hai, Jo Allah Taala Ka Bahukum Hai Quran Me Nazil Hua Jo Crystal Se Bhi Zyada Clear Hai Jaise “Akimus Salat” Namaz Qayam Karo, Istarah K Jo Bhi Allah Taala Ka Hukum Hai Woh Farz Hai Yaani Woh Jo Nass E Qatai Se Saabit Hai.Farz Per Amal Na Karne Wala Gunahgaar Hai Aur Use Uski Saza Milegi.

Ab Koi Farz Ka Inkar Karde Toh Woh Shaks Kaafir Hai.

Wajib Kya Hai?

Wajib Maane Zaruri, Imperative Hai , Khabr E Wahid ,Ahadees Me Nabi Sallallahualaihiwasallam Jo Hukum Diya Use Karna Wajib Hai,Is Per Amal Karna Zaruri Hai Aur Amal Na Karna Gunahgaar Hai,Wajib Bhi Zaruri Hai Farz Ki Tarah Lekin Farz Se Zara Niche Wajib Hai.

Ab Koi Wajib Ka Inkar Kare Woh Gumrah Hai Lekin Kafir Nahi. E.G Isha Ki Namaz Me 3 Witr Wajib Hai, Juma Ka Khutba Wajib Hai.

Sunnat E Muakidah Kya Hai?

Sunnat E Muakidah Woh Hai Jo Nabi Sallallahualaihiwasallam Ne Apni Zahiri Zindagi Me Amal Kiya,Nabi Sallallahualaihiwasallam Ki Adaigi Ko Adaa Karne Ka Naam Sunnat Hai.Iska Karna Zaruri Hai Aur Sawaab Hai Aur Jisne Ise Choda Usne Isaah Kiya.Ise Chodne Wala Gunahgaar Nahi Lekin Musalsal Ya Adaat Banalena Ki Sunnat E Muakidah Ko Choddena Gunah Hai Aur Iski Saza Milegi.

E.G: Fajr Ki 2 Rakaat And Zohar Ki Shuru 4 Rakat Sunnat, Sunnat E Muakidah Hai

Sunnat E Ghair Muakidah Kya Hai?

Sunnat E Ghair Muakidah Woh Hai Jo Nabi Sallallahualaihiwasallam Ne Amal Kiya Lekin Musalsal Amal Nahi Kiya Aur Naahi Yeh Bataya Ki Yeh Zaruri Hai Yaani Jo Amal Nabi Sallallahualaihwasallam Ne Kiya Aur Yeh Na Bataya Ki Yeh Zaruri Hai Toh Yeh Sunnat E Ghair Muakidah, Isper Amal Karne Wale Ko Sawaab Hai Aur Is Per Na Amal Karne Wala Makruh E Tanzih Yaani Disliked Na Pasandida Amal Kaha Jayega. Aur Ise Chodne Ki Aadat Banalena Ya Kabhi Amal Na Karna Use Koi Gunah Nahi Lekin Woh Shari’at Me Napasandida Amal Kaha Jayega.

E.G: Asar Ki 4 Rakaat Sunnat, Sunnat E Ghair Muakidah

Mustahab Kya Hai?

Mustahab Woh Hai Jise Karne Per Sawaab Hai Aur Na Karne Per Koi Gunah Nahi Aur Naahi Yeh Na Pasandida Amal Kaha Jayega.Agar Koi Mustahab Amal Ko Chodde Toh Us Per Koi Hukum Na Hoga Hatta Ki Makruh E Tanzih Yaani Napasandid Amal Ka Bhi Hukum Nahi Lagega.

Mustahab Kis Tarah Hai Yeh Pata Kaise Chale?

Jawab: Jo Kaam Nabi Sallallahualaihiwasallam Ne Na Kiya Lekin Shari’at Ki Roshni Me Ullema Kay Nazdeek Jayaz Hai Ya Ullema Ne Us Amal Ko Accha Samaj Kar Kiya Woh Mustahab Hai.

Iski Daleel Hadees Se Milti Hai.

“Hazrat Abdullah Bin Mas’ood Radiyallahu Ta’ala Anhu Se Riwayat Hai Ki Unhone Farmaya :

Jis (Amal) Ko Koi (Aik) Momin Achchha Jaane Woh (Amal) Allah Ta’ala K Nazdeek Bhi Achchha Hai Aur Jis Amal Ko Momineen Bura Jaane Woh Khuda K Nazdeek Bhi Bura Hai.”

[Bazzar Al-Musnad, 05/212, Raqam-1816,

Tibarani Al-Mu'jam-Ul-Kabir, 09/112, Raqam-8583,

Imam Ahmad Bin Hanbal Ki Al-Musnad, 01/379, Raqam-3600,

Imam Hakim Ki Al-Mustadrak, 03/83, Raqam-4465,

Imam Aboo Nu'aym Ki Hilyat-Ul-Awliya',01/375,

Imam Bayhaqi Ki Al-Mudkhal Ila As-Sunan-Ul-Kubra, 01/114, & Al-I'tiqad, 01/322,

Tayalisi Al-Musnad, 01/33, Raqam-246,

Ibn Rajab Jami'-Ul-Uloom Wal-Hikam, 01/254.]

Jaisa Ki Hum Juloos Nikalte Hai Eid E Milad Ya 11vi Me Toh Yeh Amal Mustahab Hai.

Haram Kya Hai?

Jo Islam Me Qatan Jayaz Nahi,Forbidden Jis Kaam Ko Allah Taala Ne Quran Me Mana Farmadiya Woh Haram Hai , Haram Kaam Karne Wala Sakht Gunahgaar Hai.Farz O Haram Ek Dusre Se Connected Hai Jaise Ki Jo Shaks Farz Adaa Na Kare Usne Haram Kaam Kiya Aur Jo Haram Karne Se Ruke Usne Farz Per Amal Kiya.

Kisi Per Hukum E Haram Lagana Uska Nass E Qatai Se Saabit Hona Zaruri Hai.

Makruh E Tehrimi Kya Hai?

Jiskaam Ko Nabi Sallallahualaihiwasallam Ne Mana Farmadiya Ahadees, Khabr E Wahid Me Woh Makruh E Tehrimi Hai. Makruh E Tehrimi Aur Wajib Bhi Ek Dusre Se Connected Hai, Wajib Ko Neglect, Choddena Makruh E Tehrimi Hai Aur Jo Makruh E Tehrimi Hai Use Choddena Wajib Hai.

Isaah Kya Hai?

Agar Koi Shaks Sunnat E Muakidah Choddeta Hai Toh Usne Isaah Kiya,Agar Ek Se Do Dafa Hua Toh Gunah Nahi Lekin Iski Aadat Banali Toh Gunahgaar Hoga Aur Uski Saza Milegi.

Makruh E Tanzih Kya Hai?

Makruh E Tanzih Ek Napasandida Amal Hai.

Khilaf Aula Kya Hai?

Jisne Mustahab Per Amal Na Kiya Usne Khilaf Aula Per Amal Kiya, Yaani Burai Per Amal Kiya.

Mubah Kya Hai?

Jo Amal Karo Us Per Koi Sawab Nahi Aur Na Karo Toh Koi Gunah Nahi Aur Naahi Koi Saza Milegi.

E.G: Me Computer Used Karraha Hu; Lekin Ise Istemal Karne Se Na Koi Sawab Na Koi Gunah Hai.

Har Musalman Ko Zaruri Hai Ki Inka Maana Zarur Maalum Ho.

👑👑👑👑👑👑👑👑👑👑

*🏁MASLAKE AALA HAZRAT 🔴*